Edicioni i 13-të i SkupiFestivalit do të mbahet prej 21 e deri 27 tetor të këtij viti në hapësirat e Teatrit Komedi – Shkup.Mysafir të edicionit të sivjetshëm të festivalit do të jenë shfaqe nga Serbia, Kosova, Rusia, Bullgaria, Sllovenia e tjerë.Të hënën më 21 tetor do të performojë Teatri kombëtar i Kosovës – Prishtinë me shfaqen “Karnevalet e Korçës”, të martën më 22 tetor Teatri bullgar Vazrazhdanie nga Sofja me shfaqen “Xhaxha Vanja”, të mërkurën më 23 tetor Teatri rus U mosta – Perm me shfaqen “Perëndimi vetmuar”, të enjten më 24 tetor Studio teatër Poket nga Lubjana me shfaqen “Gratë e Ibsenit”, të premten më 25 tetor Teatri Puls Beograd & Produksioni Terirem – Beograd me shfaqen Kiri dhe Klodell, më 26 tetor e shtunë Teatri Metropol Tiranë, Shqipëri me shfaqen “Natën Ma” dhe të dielën më 27 tetor Teatri i Komedisë Shkup, Maqedoni me shfaqen “Gra para sulmit nervor”.Bileta mund të blihen në biletarinë e Teatrit të komedisë për çdo ditë nga ora 9 deri ora 20 dhe mund të rezervohen në numrin 02 311 9990. Çmimi i biletave është 150 denarë për persona deri 29 vjeçarë dhe pensionistë dhe 300 denarë për të tjetër.
©MEDIAL.MK Derisa keni vendosur të merrni përmbajtje nga kjo faqe, në tërësi pajtoheni me kushtet e perdorimit